Breaking

Saturday, 15 December 2018

રેલવેમાં ભર્તી થવા જો તમે પરીક્ષા આપી હોય તો આ સમાચાર વાંચીને થઈ જશો ખુશ

રેલવેમાં ભર્તી થવા જો તમે પરીક્ષા આપી હોય તો આ સમાચાર વાંચીને થઈ જશો ખુશ

જો તમે રેલવેમાં  આસિસ્ટેન્ટ લોકો પાયલોટ અને ટેક્નીશિયનની ભર્તી માટે બહાર પડેલી 64000ની ખાલી જગ્યા માટે પરીક્ષા આપી હોય તો તમારા માટે સારા સમાચાર એ છે કે રેલવે રિક્રૂટમેન્ટ બોર્ડ  Railway Recruitment Board (RRB) દ્વારા પરીક્ષાર્થીઓએ ભરેલી ફીને પરત આપવાની પ્રક્રિયા હાથ ધરવામાં આવી છે. અરજી કર્તાઓએ જમા કરાવેલી ફીને પરત કરવાનું શરૂ કરાતાં હવે તમને ટૂંક સમયમાં જ તે પૈસા પાછા મળી જશે. રેલવે દ્વારા એ લોકોને ફી પરત કરવામાં આવી રહી છે જે લોકો પહેલાં ચરણની પરીક્ષા માટે કમ્યૂટર બેઝ ટેસ્ટ(CBT)માં બેઠાં હતા.

આ મામલે રેલવે રિક્રૂટમેન્ટ બોર્ડ તરફથી નોટિફિકેશન ઈશ્યૂ કરવામાં  આવ્યું છે. જેમાં જણાવાયું છે કે રેલવે દ્વારા આ ભરતી માટેના પ્રથમ ચરણની પરીક્ષાના પરિણામ આગામી 200 ડિસેમ્બર સુધીમાં જાહેર કરી દેવામાં આવશે. સાથોસાથ એમ પણ તેમાં કહેવાયું છે કે કેટલાંક અરજીકર્તાઓએ ફોર્મમાં પોતાના બેન્ક ખાતાની ખોટી જાણકારી આપી હતી, જેના કારણે રિફંડ પ્રોસેસ ફેલ થઈ રહી છે.

જો તમે તમારી બેંક ડીટેઈલ સાચી ન આપી હોય તો તમને રેલવે બોર્ડ તરફથી આગામી 17 ડિસેમ્બર સુધી SMS થકી જાણ કરવામાં આવશે. તમને બેંક વિશે યોગ્ય જાણકારી આપવાની તક આપવામાં આવશે.


આટલી રકમ અપાશે પરત
રેલવેના ગ્રુપ સીના પદો પર અરજી કરનાર ઉમેદવારોએ ઓનલાઇન માધ્યમથી ચૂકવણી કરવામાં આવી રહી છે.  આ હોદ્દા માટે બિન અનામત અને ઓબીસી વર્ગના ઉમેદવારોથી 500 રૂપિયા ફી પેટે લેવામાં આવ્યા હતા. જ્યારે એસસી/એસટી માટે 250 રૂપિયા ફી લેવાયી હતી. ઉમેદવારોના વિરોધને જોતા રેલવે બોર્ડે કહ્યું કે, સામાન્ય અને ઓબીસી વર્ગના ઉમેદવારોને 400 રૂપિયા પરત આપવામાં આવશે. તો એસસી/એસટીને 250 રૂપિયા પરત આપવામાં આવશે. આ રકમ ઉમેદવારોના ખાતામાં જમા કરાવવામાં આવશે.

શા માટે પરત આપવામાં આવી રહી છે ફી
રેલવે બોર્ડ દ્વારા આસિસ્ટન્ટ લોકો પાયલોટ અને ટેક્નીશિયન પદોની પરીક્ષા ફીને લઈને ઉગ્ર વિરોધ કરવામાં આવ્યો હતો. વધારાયેલી ફીને પરત કરવામાં આવે તેવી માંગણી ઉઠી હતી. જેનને પગલે રેલવે બોર્ડ સત્તાવાળાઓએ ફી પરત આપવાનો નિર્ણય કર્યો હતો. . રેલવે રિક્રૂટમેન્ટ બોર્ડ તરફથી જાહેર કરવામાં આવ્યું હતું કે, પરીક્ષામાં ભાગ લેનારા ઉમેદવારોને જ વધારાની ફી પરત આપવામાં આવશે.


No comments:

Post a Comment